BURAGHAK'S DISKARTE

Share your Tagon-on Jokes, Funny Stories, Humors, Expression..etc.

Moderators: kampanaryo_spy, cordapya

Post Reply
User avatar
kampanaryo_spy
CO-FOUNDER & SENIOR EDITOR
CO-FOUNDER & SENIOR EDITOR
Posts: 3570
Joined: Thu Mar 17, 2005 4:55 pm
Location: 13,750 feet above sea level

BURAGHAK'S DISKARTE

Unread post by kampanaryo_spy »

(By special request, we are reprinting this Gitik-gitik from the previous incarnation of tagosds.org, the "Kahungan-hunganan nan Tago" blogspot.)

Dawaton ta kon dili, banggi-itan gayud an Tagon-on na inudan. Tapos haw mamaray ngani, di gayud mahiluna an Tagon-on haw dili maka “bring house” ginamit an duha ka modus operandi: “Operation Cellphone” (cellophane puno) astan “Operation Laptop” (lapad na Tupperware).

Ini na modus kadaghanan mahitabo haw pangadji. Di ba sa una hataasi an pangadji kay magsangki-sangki pa sa lagi sa Tore ni David, sa Balay nga Bulawan ug sa Balay nga Tipusa, naman ag kaabtan nan Bitoon sa Kabuntagon.

Bag-o na ang pangadji-on kuman, pero wara gihapon ma otro an talent nan mga Tagon-on. Naman ag matinga an hintungdan na pas-pas pa sa kilat mahanaw an pagkaon na labon taraw an mananabat listuhi sa mutubag nan: “sa pagkaon wa kami mangkinahanglan kay misa, pag ampo ang among gikalipayan.”

Anay oo!

Tagoon ta siya sa takuban na Buraghak. Inin si Buraghak, way gayud makadaug muhagdaw nan “bring house.” Kriminal kon sa kuman pa lugar na terminolohiya sa Tago. Kilahi niyo inin si Buraghak kay retired teacher ini siya. Pero kon wara, na kabakamonton dakan lamang abay pinsar kay basin mabuong iton babaungan mo. Malisod na kay wara na raba ngadi si Yo Tacoy na mo-zigzag nan alipudhan mo haw gayud.

May yarut-ok sa Tago; demudo may pangadji. Como maglumon-lumon da sa lagi sa Tago, minsabat si Buraghak kay kahungan-hunganan sa lagi niya. Samtang gapadayon an pangadji, ga pinsar na daan si Buraghak kon uno na “operation” an iya gamiton.

Tapos an pangadji, may kaon; may inom, pero amoy mahamok an istorya. Taud-taud, hibus-hibus nan tao panguli. Human manindug an mga bayog ni Buraghak, mintindug sab siya dungan kawhat nan iya itom na payong na ga sandi sa garagar nan hagdan.

Pag-abot nila sa eskina, min-aligmaat pag-uwan. Inkayasan, kamuh-kamuh sila tanan pagbuklad nan ila mga payong. Kumustaha bulaw kay pagbuklad ni Buraghak nan iya payong kay yanggirabak san mga sandwich, mani, bodbod, lidgid, kendi, supas ug uban pa? Singkitar gapa-apas nan makuyam kuyam si Papa Jesus!

Wa magpakatingug an iban ni Buraghak; dedma an drama. Abihay mo unoy yahitabo? Igo da gayud kuno tan-awa ni Buraghak an mga pagkaon na gadamiyang sa karsada, haw dayun laong: hibaw-an ko pa sinoy yanglusok nan iton sa ako payong verticalon ko gayud!

Aton kaw!
"Most claims of originality are testimony to ignorance and most claims of magic are testimony to hubris." -James March-

User avatar
kiboglets
Devoted Member
Devoted Member
Posts: 552
Joined: Thu Nov 15, 2007 7:25 am
Birthday: 16 Oct 1971
Contact:

Re: BURAGHAK'S DISKARTE

Unread post by kiboglets »

k-spy,

bwahahaha :-# :-# :-# :)

BONSAL
FOUNDER & ADMINISTRATOR
FOUNDER & ADMINISTRATOR
Posts: 3111
Joined: Thu Jan 01, 1970 8:00 am
Birthday: 25 Sep 1976
Location: Taga Silang/Las Pinas City
Contact:

Re: BURAGHAK'S DISKARTE

Unread post by BONSAL »

bwahahahahahaha! K-spy, grabe gayud ka propesyunal an iya diskarte. Sakto kaw kriminali gayud inin si Buraghak!
"Unless you try to do something beyond what you have already mastered, you will never grow."
- ronald e. Osborn

User avatar
toyang
Devoted Member
Devoted Member
Posts: 610
Joined: Sat Sep 08, 2007 8:20 pm

Re: BURAGHAK'S DISKARTE

Unread post by toyang »

K-spy,

:lol: :lol: :lol: kalistohi lugar dayon ni Buraghak maka isip nan iya dialogue. Di sab maapas an iya talent.
Don't get disappointed when God doesn't give you what you want... For he knows the
best time for you to have it...

User avatar
kampanaryo_spy
CO-FOUNDER & SENIOR EDITOR
CO-FOUNDER & SENIOR EDITOR
Posts: 3570
Joined: Thu Mar 17, 2005 4:55 pm
Location: 13,750 feet above sea level

Re: BURAGHAK'S DISKARTE

Unread post by kampanaryo_spy »

kiboglets wrote:k-spy,

bwahahaha
:-$ :-$ :-$
"Most claims of originality are testimony to ignorance and most claims of magic are testimony to hubris." -James March-

Post Reply